Derfor vart Noreg og elleve andre vestlege land einige om å samarbeide og opprette ein forsvarsallianse. I april 1949 skreiv dei tolv landa under på Atlanterhavspakta. Dette er ein avtale som alle NATO-landa har plikt til å følgje.

Det viktigaste i Atlanterhavspakta er regel nummer 5. Der står det: «Eit væpna angrep mot éin eller fleire av dei tilslutta statane skal bli betrakta som eit angrep mot dei alle».

Dette betyr at viss eit land som er medlem av NATO, blir angripe, må dei andre NATO-landa hjelpe.

Stadig fleire land har blitt med i NATO. I dag er det 32 land som er med, og heile Norden med Sverige og Finland er nå medlemmer. Fleire land ønsker å bli medlem av NATO, til dømes  Ukraina.

Kosovokrigen i 1999

I det tidligare Jugoslavia ville Serbia at Kosovo skulle vere ein del av den serbiske staten, men det ville ikkje befolkninga i Kosovo. Då gjekk Serbia til angrep på Kosovo. Dette gikk spesielt hardt ut over kosovoalbanarane. FN og NATO gjekk derfor inn for å stoppe angrepet til Serbia og undertrykking av kosovoalbanarar.

Afghanistan

Bruk av artikkel 5 har berre skjedd éin gong i historia til NATO. Den 11. september 2001 vart USA angripe av terrororganisasjonen al-Qaida som held til i Afghanistan. NATO fekk derfor godkjenning av FN til å gå til angrep på Afghanistan.