Raha ei kassuu puissa
Oletko sie koskhaan kuulu tämän sanottavan? Usheet vanhiimet tykkäävät jostaki syystä pittäät tätä ilmaisuu.
Ei, raha ei kassuu puissa
Ei sitä kukhaan uskokhaan! Miksi met piđämä tätä ilmaisuu sitte?
Ilmaisulla meinathaan ette rahhaa ei ole niin helppo saađa. Met häyđymä työtelä rahan etheen.
Met häyđymä kans säästäät niin ette met saatama ostaat mitä halluuma.
1 / 2
Säästäminen
Saatko sie rahhaa skenkiksi? Onko sinula työpaikka? Piian sie saat viikkorahhaa jos sie tehet kotitöitä?
Mitä sie tehet näitten rahhoin kans?
Oon smarttii säästäät vähäsen.
Sie saatat laittaat rahat säästökontole. Säästökontola räntty oon ylheensä vähäsen korkkeempi ko tavalisela pitokontola. Tämä tarkoittaa ette sinun rahat kassuuvat enämen joka vuosi.
Säästämisen kannattaa aloittaat niin varhain ko mahđolista. Ja se oon tasan parempi säästäät pikkuisen ko ei mithään.
Mihin sie halluisit säästäät rahhaa?
1 / 3
Tienaa rahhaa itte
Nuorena ei ole kevvee saađa töitä, mutta saatat freistata löyttäät pienii töitä mitä sie saatat tehä muile. Piian sie saatat saađa pienen työpaikan koulun rinnala ja tienata näin vähäsen rahhaa.
Jos sie olet töissä firmassa, sie saat palkkatođistuksen mikä näyttää sinun tienastin. Firma vähenttää kans verroi jos sie tienaat yli vapaakortin tienastirajan.
Vapaakortin tienastiraja muistelee kunka paljon sie saatat tienata ennen ko sie häyđyt maksaat verroi.
Feeriän aikana sie et saa palkkaa, mutta sie saat feeriärahhaa. Tämä oon nuoin 10 prosenttii siitä mitä tienasit viimi vuona.
1 / 3
Verroin maksaminen
Vapaakortti
Jos sie tienaat alle 70 000 kruunuu vuođessa, sie saat vapaakortin etkä sie tarvitte silloin maksaat verroi.
Jos sie saat feeriärahhaa viimi vuođen tienastista, niin sen räknäthään myötä 70 000 kruunun summhaan.
Verokortti
Jos sie tienaat yli vapaakortin tienastirajan, sie häyđyt hankkiit verokortin.
Verokortissa seissoo kunka paljon verroi sie häyđyt maksaat. Sie häyđyt itte ilmoittaat kunka paljon sie luulet ette sie tienaat vuođen aikana. Tämä määrää kunka paljon verroi sie häyđyt maksaat.
1 / 2
Maksamakonstit
Maksamakonsti oon se millä met maksama. Tavalissiimat maksakonstit oon kätheinen, kredittikortit ja elekrooninen raha. Elektrooninen raha oon sitä rahhaa meilä oon pankkokortila.
Kortila vain kätheisellä?
Isorahhaa ja pikkurahhaa käskemä kätheiseksi. Varhemin tämä oli tavalissiin tapa maksaat. Tääpänä usheimat pittäävät pankkokorttii ja maksaavat elektroonisilla rahoila.
Elektrooninen maksaminen oon tavalista netissä ja appiin kautta, niin ko Vipps ja MobilPay.
1 / 2
Kredittikortti
Kredittikortti oon maksokortti millä sie saatat lainata rahhaa. Sie saatat tehä ostoi sovitthuun summhaan asti mitä käskethään kredittirajaksi.
Sie häyđyt maksaat kredittikorttilainaa joka kuukausi, mutta sie et tarvitte maksaat kaikkee kerrala.
Sie saatat maksaat takaisin sen minkä olet velkkaa kredittikortila usheitten kuukaussiin tahi vuossiin aikana, mutta näitten lainoin räntyt oon korkkeet. Siksi oon parasta olla ostamatta kreditillä.
Joissakin taphauksissa kreditillä ostaminen saattaa kannattaat. Piian jonku produktin myyđhään oikhein halvala juuri nyt?
Muista vain ette sinula häyttyy olla plaana siitä kunka sie aijot maksaat takaisin ette kredittiosto kannattaa.
1 / 3
Debettikortti
Debettikortti oon kortti missä sinun kortila häyttyy olla rahhaa maksamisheen. Tätä käskethään täkkäykseksi kontola. Sinun ostoin summan vähenethään samassa sinun kontolta.
Ko sie maksat tavalisela pankkokortila, sie tieđät ette sie et piđä enämppää rahhaa ko sinula oon.
1 / 2
Ole oman kukkarosti päälikkö!
Saattaa olla houkuttelleevaa toivoot ittelensä paljon rahhaa tekemättä työtä sen etheen, mutta se oon tärkkeetä ymmärttäät ette sie häyđyt työtelä rahan etheen ja saađa ökonoomista turvaa.
Se ette oppiit olemhaan eđesvastauksellinen ittensä rahasta oon tärkkee osa raavhaaksi kassuumista.
1 / 2
Lähtheet:
- Meinich, Per: penger i Store norske leksikon på snl.no.
Hentet 18. november 2021 fra https://snl.no/penger
- Nyhus, Ellen Katrine: betalingskort i Store norske leksikon på snl.no.
Hentet 18. november 2021 fra https://snl.no/betalingskort
- Torvund, Olav; Anderssen, Harald Benestad: betalingsmiddel i Store norske leksikon på snl.no.
Hentet 18. november 2021 fra https://snl.no/betalingsmiddel
- Britannica (12.04.2023): Pay stub
https://www.britannica.com/dictionary/pay-stub
- Moneyhelper.org (13.04.2023): A simple guide to credit cards
https://www.moneyhelper.org.uk/en/everyday-money/types-of-credit/simple-guide-to-credit-cards#:~:text=A%20credit%20card%20allows%20you,at%20least%20the%20minimum%20amount.
- The Norwegian Tax Administration (14.04.2023): Order an exemption card
https://www.skatteetaten.no/en/forms/order-an-exemption-card/
Kuvat ja video:
-
-
Getty Images
-
Getty Images
-
Getty Images
-
Getty Images / NRK Skole
-
Getty Images
-
Adobe Stock
-
Adobe Stock
-
Getty Images
-
