Meiđän kaunis mailma – Oseania
Meiđän mailmassa oon paljon jännittääviitä paikkoi mikkä luonto oon haamustannu. Met ihmiset olema kans luonheet kaunhiita paikkoi.
Tässä artikkelissa opastut kahđeksheen erikoisheen paikkhaan Oseaniassa.
Bora Bora med palmetrær, blå himmel og blått hav.
1. Great Barrier Reef | Australia
Great Barrier Reef oon mailman suuriin korallipankki. Korallipankissa oon usheita pienii koralliita. Koralli oon pikkuinen elävä jolla oon kova kuori. Great Barrier Reef pittää sisälä 3000 tämmöistä korallipankkii.
Se oon fantastinen elämys sukalttaat korallipankin keskelä.
Great Barrier Reef oon niin ko valttaava akvaariumi. Sielä oon yli 2000 kalalajjii jokka lymmyileevät färirikkhaissa koralliissa. Jos sinula oon lykky, saatat nähđä ko delfiiniit hyppiivät paaroin välissä.
Korallipankki oon valttaava ja veđen temperatuuri oon mielyttäävä koko vuođen. Sukaltaminen ja snorklaaminen oon sen tähđen fantastinen elämys.
Täälä saatat jopa tutkiit laivaa mikä vajos vuona 1911. Tätä piđethään yhtenä mailman parhaimista hylyistä mihin saatat sukalttaat.
1 / 3
Mann dykker i korallrev med røde fisker rundt seg.
2. Franz Josef-jäätikkö | Uusi Seelanti
Uusi Seelanissa oon kolme jäätikköö. Suuriiman nimi oon Franz Josef -jäätikkö. Se oon 12 kilomeetterin pitukainen. Täälä saatat kävelä jäätikön päälä aamupäivälä ja uiđa rannala iltapäivälä.
Jäätikön oon nimetty Öystäriikin keisarin Franz Josef I:n jälkhiin vuona 1865.
Maorit käskeevät jäätikköö nimelä “Ka Roimata o Hine Hukatere”. Se tarkoittaa Hine Hukataren jäätynheet kyynelheet. Maorit oon Uusi Seelanin alkupöräiskansa.
Nimi tullee muisteluksesta jossa pariskunta rakastuu toinen toisheen. Toinen heistä oli lumiprinsessa ja toinen oli aivan tavalinen mies. Yhtenä päivänä het menthiin jumaliitten tykö pyytämhään ette jumalat tekkeevät lumiprinsessasta ihmisen.
Matkala tölmäs ilmanjumala miehen alas vaaran lajelta. Silloin tuli Hine Hukatere niin suruliseksi ette hän itki kokonhaisen jäätikön.
Tämä suuri jäätikkö liikkuu melkhein 50 senttimeetterii päivässä. Sen alla oon luolii ja tunneliita mikkä muuttuuvat päivästä toisheen. Jokhainen jäätikkövajelus oon sen tähđen aina erilainen.
1 / 3
Franz Josef isbreen på New Zealand.
3. Samoa | Tyvenmeri
Samoa oon pieni saariryhmä Tyvenmeressä. Täälä oon krystalinkirkas vesi, valkkeet rannat, rehevät mettät ja kommeet kurkkiit.
📷 Kuvateksti: Tradisunelli rantahuonet Samoassa.
Vulkkaani oon tehny kaksi syvvää reikkää, ja niitten välissä oon jännittäävä luola. Turistit ja paikan ihmiset uivat yhđessä näistä reijistä.Upolu-saarela oon pääkaupunki Apia.
Täälä saatat kokkeet samoalaisen kulttuurin. Täälä elethään rauhalisesti.
Apia oon paras paikka kokkeet fiafia-illan jossa oon tradisunellii lauluu ja tanssii, färirikkhaita kostyymiita ja herkulinen keskipäivä.
1 / 2
Strand på Samoa med tradisjonelt strandhus.
4. Lake Hillier | Australia
Lake Hillier oon kirkkhaanroosa järvi mikä sijaittee saarela Australian ulkopuolela.
Tutkiijat ei ole aivan sikkarit siitä miksi se oon roosa. Jokku luuleevat ette se johtuu algista, toiset meinaavat ette se oon eriskumhaisten bakteeriitten takia.
Järvi oon aivan sinisen Tyyvenmeren vieressä. Ylhäältä kattottunna näky oon fantastinen.
Lake Hillier ei ole mailman ainua roosa järvi. Se mikä tekkee sen uniikiksi oon se ette veđen färi ei muutu jos vettä kaajethaan flaskhuun.
Englantilaiset eeventyyrärit löyđethiin järven vuona 1802. Yhđen matkalaisen nimi oli William Hillier. Hän kuoli reisun aikana, ja hänen kunniaksi annethiin järvele hänen nimen.
Lake Hillier oon pieni järvi. Siitä kaivethiin suolaa muutaman vuođen ajan, kiini siihen saakka ko huomathiin ette suola oli myrkylistä.
1 / 3
Lake Hillier i Australia med sitt rosa vann, ligger rett ved siden av Stillehavet som er knall blått.
5. Rotorua | Uusi Seelanti
Rotorua oon kaupunki missä oon paljon kuumii lähtheitä. Kuuma gassi maan sisästä lämmittää vettä mikä kerräänttyy pienhiin ja suurhiin järvhiin. Veđen temperatuuri saattaa nousta jopa 35 graadhiin!
Kaupungin tunnethaan kans truiskuuvasta geysiristä. Geysir oon kiehuuvaa vettä mikä truiskuu maasta ylös. Tämä tapattuu vähhiinthään 20 kerttaa janturissa!
Rotoruasta löyttyy kans yksi mailman parhaimista lattuista offroadsykläämistä varten.
Paikassa nimeltä Hells Gate saatat vajota lämpimhään, mukavhaan rapakkhoon. Sieltä saatat kattoot yhtä mailman suuriimista lämpimistä könkhäistä. Enniin osa siitä mitä Rotoruasta löyttyy oon siis kuumaa!
1 / 3
6. Sydney | Australia
Sydney oon usheen mielestä yksi mailman kaunhiimista kaupungiista. Oopperahuonet ja silta Sydney Harbour Bridge oon kaksi tunnetuimista pytingiistä.
Sillan tunnethaan fantastisista fyyrvärkkeriistä uuđenvuođenaattona. Oopperahuonet oon Australian tunnetuin pytinki.
St. Maryn katedraalissa oon kans jännittäävä käyđä. Täälä oon kaunhiita klasimaalauksii ja fantastinen kirkkokuoro. Jouluna kirkossa loistaavat tuhanet valot.
Sydneyssä saatat kokkeet paljon. Täältä löyđät botaanisen haakin missä oon linttui, päivälinttui, reptiiliitä ja kalloi.
Sie saatat kans käyđä New South Walesin taiđetgalleriassa.
Sydneyssä oon yli 100 ranttaa. Tunnetuin oon piian Bondi Beach.
1 / 3
7. Uluru | Australia
Uluru oon korkkee vaara mikä oon keskelä auttiita, eikä sen ympärillä ole juuri mithään muuta. Vaara oon 600 miljuunaa vuotta vanhaa, ja se oon 348 meetterin korkuinen.
Ko aurinko paistaa, se näyttää siltä ette vaara kiiluu oransinna ja punaisenna.
Australian alkupöräiskansa, aborigiinit, omistaavat vaaran. Heile se oon pyhä paikka.
Hirmu monet oon kiikkunheet Ulurun lajele kattomhaan auringonnoussuu. Sen kielethiin vuona 2019 siksi ko aborigiinit tykäthiin ette turistiita oli liian paljon.
Monet kuitenki käveleevät vaaran juuren ympäri. Kävelymatka oon nuoin 9 kilomeetterii. Täälä saattaa nähđä 5000 vuotta vanhoita luolamaalauksii.
Vaikka Uluru oon keskelä auttiita, oon sielä monnii eläviitä. Tavalisesti saatat nähđä liskoi ja kärmheitä. Jos sinula oon lykky, saatat nähđä kenguruita ja harvinaissii, färirikkhaita linttui.
1 / 3
Det røde fjellet Mount Connor i Australia
Lähtheet:
- 101 steder du må oppleve (før du dør) (2020)
Orage Forlag AS
Kuva- ja video-oikkeuđet:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
