Ulike typar

Det finst mange slags vulkanar. Dei har forskjellige eigenskapar og oppfører seg på forskjellige måtar. Oppførselen og utbrota deira er avhengig av plassering og av korleis magmaen er sett saman.
I dag har vi 1300–1500 vulkanar på jorda, i tillegg til ei mengd undersjøiske vulkanar.

Faresignal

Faresignala før eit utbrot kan vere at gassane som siv ut av jordskorpa, endrar seg og det oppstår fleire små jordskjelv.
Forskarane måler jordskjelv med seismometer. Eit seismometer er eit måleinstrument som registrerer ristingar i jordskorpa.

Kilauea 

Vulkanen Kilauea på Hawaii er ein aktiv vulkan. Faktisk har vulkanen hatt eitt langt utbrot sidan 1983. Eit typisk vulkanutbrot på Hawaii består nemleg av rennande lava, ikkje store oskeskyer.
Likevel har utbrotet øydelagt mykje for menneska og miljøet rundt vulkanen.

Store øydeleggingar 

Følgjene av eit vulkanutbrot kan vere store. Vi kjenner til at vulkanar har øydelagt heile byar og samfunn.
Når utbrotet skjer, så er det som oftast ikkje den sakte rennande lavaen som øydelegg, men oske, giftige gassar og partiklar som blir pumpa ut av vulkanen.

Supervulkanar

Ein supervulkan er ein vulkan som er større og meir øydeleggjande enn ein vanleg vulkan.
Akkurat som alle andre vulkanar oppstår supervulkanar når smelta stein trengjer gjennom jordoverflata. Nokre forskarar meiner at supervulkanane er «supre» fordi dei har enorme holrom som kan romme opptil 15  000 kubikkilometer med magma, og dermed veks seg større og større over tusenvis av år.

Putrande supervulkan

Under Yellowstone nasjonalpark i USA putrar ein aktiv supervulkan, Enorme mengder magma, som nokre stader ikkje ligg meir enn åtte kilometer under jordskorpa, gir energi til dei 10  000 krystallfarga varme kjeldene, gurglande gjørmehòla, kvesande dampstrålane og berømte geysirane i parken.