Ved gåvebyte vart vennskapsband knytte eller fornya. Hovdingar og småkongar ønskte vakre gjenstandar som dei kunne gje til følgjarane sine , som kapper og gull- eller sølvringar.

For første gong i Skandinavia vart handelen også basert på kjøp og sal, uavhengig av partane sin sosiale status og dei personlege relasjonane mellom dei. Men dette kunne gå gale dersom ein kom med eit upassande forslag, som å kjøpe noko frå ein venn i staden for å byte. Då kunne det tolkast som om ein ønskte å oppheve vennskapet, og dette kunne føre til konfliktar.