Kva viss vi var 100 menneske på jorda?

I 2021 levde det nesten 8 milliardar menneske på jorda. Det er 1 milliard meir enn for ti år sidan. Det er ei utvikling som ikkje er ønskjeleg dei neste ti åra. Det er vanskeleg nok å fordele ressursane på dei som bur her no.

Tenk deg at heile jordas befolkning berre var 100 menneske! Korleis ville det ha vore å leve her då?

Stor folkemengde sett ovenfra.
Stor folkemengde sett ovenfra.

Kvinner og menn

Det er omtrent halvparten av kvart kjønn. Her er det tatt utgangspunkt i biologisk kjønn, og ikkje i korleis ein sjølv definerer seg.

Kvar kjem alle frå?

61 personar vil komme frå Asia. 19 av desse kjem frå Kina, og 18 kjem frå India. 15 personar kjem frå Afrika, 10 kjem frå Europa, og i underkant av 9 kjem frå Sør-Amerika og Karibia. Frå Nord-Amerika kjem det 5 menneske.

Kva slags språk blir snakka?

12 personar vil snakke mandarin-kinesisk, og vi har 5 for kvart av språka spansk, engelsk og hindi. Det er 3 som snakkar arabisk, og litt over 2 snakkar portugisisk. Russisk blir snakka av 2 personar, og det er 2 som snakkar japansk. Tysk er det éin person som snakkar.

De resterande innbyggjarane kan velje mellom dei andre 6000 språka som blir snakka. Kor stor prosentdel snakkar norsk, tenkjer du?

Religion

I befolkninga er det 34 med kristen bakgrunn, 27 er muslimar, og drygt 16 er hinduer. Vi har 7 buddhistar og 2 ateistar. Dei resterande fordelar seg på andre religionar.

Forrige avsnitt

1 / 4

Neste avsnitt
Halvparten av jordas overflate sett fra verdensrommet.
Halvparten av jordas overflate sett fra verdensrommet.

By eller land?

Over halvparten bur i såkalla urbane strøk – altså i byar. Mange bur òg langs kysten. Heile 60 personar bur 100 kilometer eller kortare frå havet.

Helse- og buforhold

Meir enn halvparten bur i land der fleire folk døyr av overvekt enn av undervekt.  Under halvparten av verdas befolkning har tilgang til trygge sjukehus.  1 av 3 er utan tilgang til trygge drikkevasskjelder. 25 personar vil enten bu i falleferdige heimar, eller ikkje ha nokon heim i det heile.

Internett

53 av innbyggjarane bruker internett. Halvparten av desse kjem frå Asia. Drygt 7 kjem frå Europa, og litt under 6 kjem frå Afrika.

Jobb og utdanning

10 vil vere arbeidslause, medan 36 jobbar i jordbruk. I industrien jobbar 21, medan det er 33 som driv med andre tenesteytande næringar som transport eller handel.

7 kan ikkje lese og skrive, medan 7 vil ha høgare utdanning.

Forrige avsnitt

1 / 4

Neste avsnitt

Fordeling av rikdom

Den aller rikaste i verda vil eige 45 prosent – åleine! Rundt 10 av 100 lever i ekstrem fattigdom.

Viss ein hadde 30 000 kroner i formue i 2015, var ein blant den rikaste halvparten i verda. Det vil nok seie at omtrent alle nordmenn er i denne gruppa!

Flere stabler med mynter.
Flere stabler med mynter.

Kjelder:

  • Tønnessen, Marianne; Solerød, Hans: befolkning i Store norske leksikon på snl.no.
    Henta 5. januar 2022 frå http://snl.no/befolkning

Bilde- og videorettar:

    1. Getty Images
    2. Getty Images
    3. Getty Images
    4. Getty Images