Slik får du viljestyrke til å nå måla dine

Du trenar viljestyrken på same måten som du trenar musklane i kroppen. Viss du vil nå eit bestemt mål, må du laga ein plan for å klara det. Her har du nokre tips.

Dame som ser på sin egen skygge

1. Ikkje bruk opp viljestyrken

Du må trena styrke for å få større musklar. Du må òg få nok kvile. Det same gjeld viljestyrke. Du må trena på å få meir viljestyrke. Men ikkje gjer det når du er svolten eller sliten.

Sprinter gjør seg klar for løp
Sprinter gjør seg klar for løp

2. Et sunt og sov godt

Hjernen og kroppen din treng noko som heiter blodsukker. Får du for lite av dette, blir det vanskeleg å ha god viljestyrke. Du merkar det viss du blir altfor svolten. Kroppen din treng òg at du søv godt.

Tenåringsjente som sover mens det er lyst ute
Tenåringsjente som sover mens det er lyst ute

3. Tenk på noko anna

Du kan kontrollera tankane dine og bestemma deg for kva du vil tenka på. Alle har negative tankar nokon gonger. Det må vi berre godta. Vi må bli flinkare til å byta dei ut med noko positivt.

Kvar gong du tenker tankar som «dette greier eg aldri» eller «no orkar eg ikkje meir», skal du byta ut den negative tanken med noko positivt. Dette må du øva på. Viss du vil springa deg ein tur, må du ikkje setja deg i sofaen for å knyta skolissene. Då kan det henda at du blir sitjande der. Det er jo så deilig! Knyt skolissene ute på trappa, for då ser du ikkje den deilige sofaen.

Forrige avsnitt

1 / 2

Neste avsnitt
Liten jente ser tenkende ut av vinduet med regndråper på
Liten jente ser tenkende ut av vinduet med regndråper på

4. Få gode vanar

Stress øydelegg viljestyrken din. Når du stressar, er det lett å tenka negativt. Dette har du kanskje opplevd på skulen. Då er det viktig å finna noko positivt å gjera. Noko som kan gjera deg glad.

Du skal læra kroppen kva han treng når han er stressa. Dette må du gjera når det er roleg rundt deg. Kanskje du finn roa med musikk eller ved å drøyma deg bort til ei sørhavsøy? Kanskje det hjelper med ein tur på fotballbanen? Finn det som verkar for deg.

Forrige avsnitt

1 / 2

Neste avsnitt
Unge fotballspillere feirer etter mål
Unge fotballspillere feirer etter mål

5. Eitt steg om gongen

Det er vanleg å gi opp når målet verkar heilt umogleg å nå. Viss du har eit mål som er veldig stort, må du dela det opp. Drøymer du om å skriva ei bok? Er målet ditt å bli jagarpilot? Då må du ta eitt musesteg om gongen. Kva må du gjera først? Kva blir neste steg? Stega skal vera så små at du veit du klarer det.

Person på klatretur
Person på klatretur

6. Vel dine eigne mål

Mennesket er eit vanedyr som helst vil gå same rute kvar gong. Å velja noko nytt er ofte vanskeleg. Det kan kjennast skummelt og utrygt. Ikkje set umoglege mål fordi andre vil at du skal gjera det. Det er viktig å spørja seg sjølv: Kva er det eg verkeleg vil? Dei fleste har nok med eitt mål om gongen. Kva vil du oppnå først?

Sprinter løper i mål
Sprinter løper i mål

7. Hald deg unna freistande situasjonar

Hald deg unna stader og situasjonar som utfordrar deg for mykje. Viss du vil spara pengar, må du ikkje gå i butikkar. Viss du vil slutta å snakka i timen, må du setja deg ved sida av nokon som er stille. Viss du vil bruka mindre tid på telefonen, kan du ikkje ha han med deg overalt.

Lag ein plan for kva freistingar du bør unngå. Ikkje oppsøk det som freistar deg. Då treng du viljestyrken din.

Forrige avsnitt

1 / 2

Neste avsnitt
En gruppe med tenåring som alle holder en smarttelefon
En gruppe med tenåring som alle holder en smarttelefon

Kjelder:

  • Kroppen 4 (2020)
    Orage Forlag AS
  •  Dr. Denise Cummins: (08.07.2020) Good Thinking: Seven powerful Ideas That influence the way We Think.
  •   Roy F. Baumeister og John Tierney: (08.07.2020) Viljestyrke, selvkontroll som nøkkel til suksess.

Bilet- og videorettar:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images