Men hydrogen har ulemper også. Rundt 95 prosent av amerikansk hydrogen er laga av naturgass, som er eit fossilt brensel. Reinare metodar er ikkje i nærleiken av å vere like effektive. Hydrogen er også eit farleg stoff, noko ulukka med luftskipet «Hindenburg» var eit godt døme på. Det er ikkje enkelt å sørgje for at hydrogenet er lagra trygt når ein bil bevegar seg i høg fart langs vegen.

All teknologi har begrensingar, men brenselcellebiler kan likevel bli viktige i framtida. Ei rekkje hydrogenfyllestasjonar blir bygde rundt i Europa, slik at ein kan leggje til rette for bruk av brenselcellebilar.

Noreg viser veg 

Noreg er eit av dei leiande landa når det gjeld elbil, og stadig fleire vel el og hybrid framfor bensin og diesel når dei skal kjøpe ny bil. Over 42 prosent av alle selde bilar i Noreg i 2019 var nullutsleppsbilar. Men også andre framkomstmiddel er på veg mot ein meir miljøvennleg profil. Stadig fleire tog rundt om i verda blir elektriske. 

Vindkraft

Vindmøller står i dag for 3,7 prosent av elektrisiteten på jorda, Det blir investert stadig meir i vindmøller til sjøs. I 2016 vart det investert rundt 242 milliardar kroner, noko som er 40 prosent meir enn året før.

Tidevasskraft

Tidevatnet kjem og går to gongar i døgnet, og det inneheld mykje energi. Denne energien har vore vanskeleg å utnytte, men ny teknologi har gjort det lettare. Ifølgje ei undersøking frå 2001, utført av World Energy Council, er potensialet i tidevatnet ved kysten av USA over 450 gigawatt. Det er 25 prosent av det totale behovet for straum.

Geotermisk kraft

Å vere busett ved ein vulkan kan by på utfordringar, spesielt under utbrot. Men land som Island og Japan bruker desse varmekjeldene til å lage elektrisitet. Geotermisk kraft er miljøvennleg, billig og påliteleg, og fungerer ved at ein pumpar vatn under overflata, der dei høge temperaturane gjer vatnet om til damp.

Mikrogenerering 

Det eksisterande systemet med nasjonale nettverk og gigantiske, sentraliserte kraftverk er mindre effektive enn eit mikrogenereringssystem, der vi alle genererer noko av vår eigen straum og betaler for forskjellen mellom det vi skaper sjølve og det vi bruker.

Solkraft 

I California, Spania og Japan er solkraft allereie billigare enn nettstraum store delar av året. I Europa og Kina er det sett i gong finansieringsløysingar som skal få oss til å bruke meir solkraft. Nokre selskap har utvikla ein spesiell type glas som kan lage straum av sollys. Desse kan brukast som vindauge og takvindauge eller til og med som fortau. Solkraft passar godt til å varme opp og kjøle ned huset du bur i. Strålane til sola kan brukast til å varme opp vatn, mens soldrivne varmepumper kan gi kjøling. 

Geotermisk varmepumpe 

Liknande teknologi kan brukast til å hente varme frå bakken. Temperaturen under overflata held seg mellom 7 og 24 grader året rundt. Om vinteren kan ein trekkje opp varme, og om sommaren kan varmen sendast ned. Systema er dyre å montere, men du vil spare mange tusen kroner på straumrekninga i det lange løp.