Historiene vart brukte til å bli kjende med andre menneske og kulturar, eller til å forklare naturfenomen og store mysterium. Etter kvart som historiene spreidde seg, endra dei seg og voks.

Ofte blei dei rarare og skumlare enn røyndommen når dei vart formidla vidare. For dei som høyrde desse historiene for første gong, kan dei derimot ha vorte oppfatta som fakta. Men det dei høyrde, var ofte ein myte.

Det er ikkje så rart at ei historie kan utvikle seg over lang tid og over landegrenser. Vi har òg evna til å overdrive slik at ting blir meir spennande enn dei eigentleg er. Det er eit uttrykk som heiter at ei fjør kan bli til fem høns.