Dette kan vi overføre til skriving i norskfaget. Artikkelen er den rette vegen. Vi har ei klar oppfatning av kva vi skal fram til, og vi er opptatt av å formidle dette på ein sakleg, objektiv og tydeleg måte. Hensikta vår er å informere. Den andre vegen kan vere eit bilete på essaysjangeren. Her er ikkje målet først og fremst å formidle sakleg og objektiv informasjon. Hensikta er å utforske eit tema og ta lesaren med på denne reisa. Gjerne frå ulike vinklar og perspektiv.

Språket kan være leikent og personleg. Essayet er ein møtestad mellom det saklege og det personlege. Ein må altså passe på at det personlege ikkje erstattar det saklege. Vi kan fint vere personlege og likevel halde oss saklege.

I eit essay skal ein undre seg framfor å konkludere. Lesaren får bli med på denne reisa i eit bestemt tema og blir invitert til å reflektere saman med forfattaren.