Ein himmel full av stjerner og planetar
Har du sett opp på nattehimmelen og tenkt på kor stort universet faktisk er? Med ein stjernekikkert kan du sjå nærmare på månen og andre planetar, men kva planetar og stjerner finst der oppe?
Big bang
Verdsrommet er ufatteleg stort, og ein veit ikkje heilt sikkert korleis verdsrommet oppstod.
Mange forskarar har komme fram til at verdsrommet og solsystemet vårt vart til etter ein kraftig eksplosjon. Dette blir kalla for «Big bang», og det skjedde for omtrent 14 milliardar år sidan. Etter kvart samla støv og gass seg, og dette vart til planetar, månar og stjerner.
Big bang
Jorda oppstår
I begynnelsen var jorda ei glødande kule. Etter kvart vart jorda kaldare, og overflata storkna. Då fekk vi ei jordskorpe, og vassdampen vart til hav.
Stjerner og planetar
I verdsrommet er det mange stjerner og planetar. Jorda er ein planet, og sola er ei stjerne. Sola står stille, men jorda bevegar seg rundt sola. Vi seier ho går i bane rundt sola.
Solsystem
Det er fleire planetar som går i bane rundt sola vår, og til saman kallar vi dette for solsystemet vårt. Det er gravitasjon (tyngdekraft) som gjer at planetane går i bane rundt sola, og det er gravitasjon som gjer at vi held oss på jorda og ikkje flyg ut i verdsrommet. Gravitasjon er ei usynleg kraft som alt i solsystemet og på jorda blir påverka av.
Galaksar
Ei samling av stjerner og planetar blir kalla ein galakse. Det finst mange galaksar i verdsrommet. Galaksen vår blir kalla Mjølkevegen.
1 / 4
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
