Raha ei kassuu puissa
Oletko sie koskhaan kuulu tämän sanottavan? Usheet vanhiimet tykkäävät jostaki syystä pittäät tätä ilmaisuu.
Ei, raha ei kassuu puissa
Ei sitä kukhaan ole koskhaan uskonukhaan! Miksi tätä ilmaisuu piđethään niin ushein, ja mitä sillä oikkeestansa meinathaan?
Olis kyllä mahtaavaa jos raha oikkeesti kassuis puissa ja taskhuin puttois rajattomasti rahhaa ko lehtii puista. Tekemättäki assiin etheen yhthään mithään!
Näin se ei kuitenkhaan ole suuriimalle osale meistä. Met emmä kaikesti saata saađa kaikkee mitä halluuma tahi luottaat siihen ette joku muu täkkää meiđän menot. Met häyđymä työtelä ja säästäät itte ette ostaat mitä halluuma.
1 / 2
Säästäminen
Saatko sie rahhaa skenkiksi syntymäpäivänä tahi jouluna? Työteletkö koulun rinnala tahi oonko sinula kesätöitä? Tahi piian sie saat viikko- tahi kuukausirahhaa siitä ette sie autat kotitöissä? Mitä tehet näilä rahoila?
Hyvä neuvo oon freistata säästäät rahhaa. Saattaa olla hyvä idee laittaat rahat erilisele pankkokontole. Silloin sie ylheensä saat korkkeeman räntyn ko niin käsketyllä pitokontola. Tämä meinaa ette sinun rahat kassuuvat noppeemasti säästökontola.
Säästämisen kannattaa aloittaat mahđolissiiman varhain ja se oon tasan parempi säästäät vähäsen ko ei olheenkhaan.
Mihin oon hyvä säästäät rahhaa sinun mielestä?
1 / 3
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
