Opastu…

Tyrannosaurus

Tyrannosaurus oon mailman tunnetuin ja populääriin dinosauri.

Tyrannosaurus uten bakgrunn
Lys bakgrunn av stein
Lys bakgrunn av stein

Ulkomuoto

Tyrannosaurus oli kaksijalkainen dinosauri joka saattoi kasuta jopa 12,5 meetterii pitkäksi ja 4 meetterii korkkeeksi jos mittaa jorvasta. Sen paino vaihetteli neljen ja kahđeksentoista tonnin välilä.

Sitä piđethiin suuriimpanna petodinosaurina siihen asti ko yhđen vielä suureman dinosaurin Giganotosaurus löyđethiin vuona 1993.

Tyrannosauruksen leuvoissa oli suuri määrä hamphaita. Net saatethiin olla jopa 15 senttimeetterin pitukaiset. Hamphaat saatethiin purra poikki vahviimatki luut.

Tyrannosauruksela oli joukon iso pää lyhykäisessä ja vahvassa kropissa. Etujalat olthiin niin pienet ette net ei ulettunheet suuhun asti. Takakropissa oli valttaavat jorvat ja pitkät, lujat takajalat. Sen häntä oli pitkä ja siinä saattoi olla jopa 40 hännänkieroo.

Forrige avsnitt

1 / 3

Neste avsnitt
Tyrannosaurus
Tyrannosaurus

Elämäntavat

Tyrannosauruksen leukalihakset olthiin hirmuiset ja sillä oli luultavasti yksi voimakkhaimista puremista ellääviitten eli elläimiitten joukossa maala. Tämmöiset voimakkhaat puremat oon tavalisemat peđoila jokka syövät haaskoi. Haaskat oon kuolheet elläimet jokka oon alkanheet mätänemhään. Nykyaikhaan tyypiliset haaskaelävät oon esimerkiksi kettu, karhuu ja varis.

Met emmä tieđä sikkaristi, oliko Tyrannosaurus haaskansyöjä eli jahtasko ja tappoiko se oman saalhiin itte. Joka taphauksessa oli se niin iso ette se karkoitti muut elävät ko se jahtas eli söi.

Tyrannosaurus painoi alle tonnin siihen asti ko se täytti nuoin 14 vuotta. Silloin se vasta alkoi kassuumhaan, ja se oli täysraavas ennen ko se oli 18-20 vuođen ikhäinen. Se saattoi elläät melkhein 30-vuotihaaksi.

Sen hamphaat kasuthiin koko sen elinijän, ja jos siltä putos hammas, se saattoi kasuta uusi sen paikale.

Ainua paikka mistä oon löyđetty jälkkii Tyrannosauruksesta oon Pohjais-Amerikka. Sielä net elethiin kentilä ja aukkeissa mettissä.

Forrige avsnitt

1 / 3

Neste avsnitt
Tyrannosauruksella oli paljon hampaita, jotka saattoivat olla 15 senttiä pitkät.
Tyrannosauruksella oli paljon hampaita, jotka saattoivat olla 15 senttiä pitkät.

Lähtheet:

  • Hoel, Ole Andreas; Delsett, Lene Liebe: Tyrannosaurus i Store norske leksikon på snl.no.
    Hentet 2021 M10 18 fra https://snl.no/Tyrannosaurus

Kuvat- ja video-oikkeuđet:

    1. Getty Images
    2. Getty Images
    3. Getty Images