Opastu…
Tyrannosaurus
Tyrannosaurus oon mailman populääriin dinosauri.
Lys bakgrunn av stein
Ulkomuoto
Tyrannosaurus kulki kahđela jalala. Se saattoi kasuta 12,5 meetterii pitkäksi ja sen jorvakorkkeus saattoi olla 4 meetterii. Paino saattoi olla neljen ja kahđeksentoista tonnin välilä.
Met luulima kauvoin ette se oli petodinosauriista suuriin, mutta vuona 1993 löysimä Giganotosauruksen. Tämä oli vielä suurempi.
Tyrannosauruksela oli paljon hamphaita ja net saatethiin olla 15 senttimeetterin pitukaiset.
Hamphaat saatethiin purra poikki vahviimatki luut.
Tyrannosauruksela oli iso pää ja lyhykäinen, vahva kroppi.
Etujalat olthiin niin pienet ette net ei ulettunheet suuhun asti.
Sillä oli pitkät, vahvat takajalat ja sen hännässä oli 40 hännänkieroo.
1 / 3
Tyrannosaurus
Elämäntavat
Leukalihakset olthiin valttaavat! Tyrannosauruksela oli hirmu voimakas purema. Tämmöiset voimakkhaat puremat oon tyypiliset peđoila jokka syövät haaskoi. Haaskat oon kuolheet elläimet jokka oon alkanheet mätänemhään. Nykyaikhaan hyeenit oon tyypiliset haaskaelävät.
Met emmä tieđä sikkaristi, oliko Tyrannosaurus haaskansyöjä. Se saattaa olla ette se tappoi ittensä ruvan. Joka taphauksessa sen suuri kroppi karkoitti muut elävät ko se jahtas tahi söi.
Tyrannosaurus alkoi kassuumhaan isoksi ko se oli nuoin 14 vuotta vanhaa. Se oli täysraavas 18-vuotihaana ja saattoi elläät 30-vuotihaaksi.
Sen hamphaat kasuthiin koko elinijän, ja jos sen suusta lähti hammas, kasus se takaisin.
Ainua paikka mistä met olema löytänheet Tyrannosauruksen jälkkii oon Pohjais-Amerikka. Sielä net elethiin kentilä ja aukkeissa mettissä.
1 / 3
Tyrannosauruksella oli paljon hampaita, jotka saattoivat olla 15 senttiä pitkät.
Lähtheet:
- Hoel, Ole Andreas; Delsett, Lene Liebe: Tyrannosaurus i Store norske leksikon på snl.no.
Hentet 2021 M10 18 fra https://snl.no/Tyrannosaurus
Kuvat- ja video-oikkeuđet:
-
-
Getty Images
-
Getty Images
-
Getty Images
-
