Muisteliijat luothiin myyttii
Ensimäiset muistelukset muistelthiin leirivalkkeen ympärillä. Met ihmiset muistelimma mitä met olima kokenheet ja jajoima tiettoo. Pikku hiljaa met aloima luomhaan runnoi ja fantaseeraamhaan.
Muistelukset selitethiin niitä mystissii assiita luonossa mitä met emmä ymmärtänheet. Ko muistelukset levithiin etheenkäsin, net muututhiin.
Muisteluksista tuli kummalisemppii ja kammottaavamppii joka kerta ko niitä muistelthiin.
Het kukka kuulthiin muistelukset ensimäistä kerttaa uskothiin ette kaikki oli totta, mutta muisteluksesta oli tullu myytti.
Oletko sie ollu myötä viskutteluleikissä? Jos olet, niin sie tieđät ette setninki tahi sana saattaa muuttuut ko se oon kulkenu ensimäiseltä persoonalta viimiselle. Met muistelemma sen minkä luulema ette met kuulima, mutta ushein met kuulema pikkuisen väärin.
Ei se niin viekasta ole ette muistelus muuttuu ko sen muistelhaan monta kerttaa. Ko met muistelemma jotaki, saatama met lissäilä niin ette muisteluksesta tullee jännittäävämpi ko mitä se oikkeestansa oon.
1 / 5
Huleboere rundt leirbålet
Leirivalkkeelta filmiksi
Kaikissa maissa oon omat myytiset muistelukset.
Kreikassa muistelthiin minotaurin ympäri. Se oli puoliksi ihminen ja puoliksi purri.
Viikingit muistelthiin trolliin ja merikäärmheitten ympäri.
Merimiehet muistelthiin Krakenin ja muitten merimonsteriitten ympäri.
Myyttissii eläviitä ja monsteriita piđethään ushein filmiissä ja TV-seeriöissä. Sitä tehđhään ushein filmii vampyyriitten, ihmishukkiin, draakkiin, yksisarvisten ja kemppiin ympäri.
Ajattele vaikka Harry Potterii, Sormusten herraa ja Game of Thronesii.
1 / 2
Enhjørning
Kraken
Kraken muistutti hirmuisen issoo pläkkikallaa jolla oli pitkät tentakkelit. Se saattoi murskata seililaivoi ja nielaista koko miehistön kerrala.
Meri oli pölättäävä sillä ko ei kukhaan tieny mitä pinnan alla oli. Piian merimiehet olthiin nähnheet ison pläkkikalan mikä muuttui isomaksi ja vaaralisemaksi joka kerta ko muisteluksen muistelthiin.
Kentaurit
Kentaurit oon olenot jolla oon puoliksi ihmiset ja puoliksi hevoiset.
Myytti kentauriista oon saattanu synttyyt ko rattastaavat sotamiehet käythiin kanssoin pääle jokka ei koskhaan aijemin olheet nähnheet hevoissii.
Näky hevoisesta ja rattastaajasta näytti monsterilta.
Ihmishukat
Ihmishukasta oon paljon erilaissii myyttii.
Jokku muututhiin hukiksi ja toiset muututhiin hukan ja ihmisen sekoitukseksi.
Jokku muututhiin hukiksi ko heän ragasthiin rikoksista. Toiset noiđuthiin hukiksi.
Ihminen oon aina pölänheet hukkaa ko se oon petoelläin.
Silloin ko elläimet eli elävät ja ihmiset tapethiin muita ihmissii, niitä piđethiin monsteriina. Se oli kans helpompi ajatella tappaajiita verenjanoisinna hukkina.
1 / 2
Vampyyrit
Vampyyrit olthiin ihmiset keitä lepakko oli purru.
Net jahđathiin muita ihmissii ko net juothiin niitten vertä.
Myytti vampyyriista oon ollu olemassa jo tuhanssii vuossii. Mutta usko vampyyrhiin lissäintyi 1700-luvula.
Siihen aikhaan vampyyrit naulithiin ushein kiini niin ette lrautaseiphään lyöthiin syđämen läpi. Silloin net ei saattanheet nousta hauđasta.
Se luulthiin ette ihmiset keilä oon porfyri-tauti olthiin vampyyrit. Tätä tauttii sairastaavat ei kestä auringonnäkköö. Heiđän naamassa kassuu karvaa ja hamphaat näyttäävät suuremilta ko ikenet oon nousheet ylöspäin.
1 / 2
Vampyr
Myyttiset monsterit kaikista kontinentista
CHUPACABRA | AMERIKKA
Chupacabra tarkoittaa keituri-immiijää spanskaksi. Se oon saanu nimen ko se juopi keituriitten vertä.
YKUR | EUROOPPA
Ykur oon harmaaja hevoinen Islanista.
Jos sie rattastat sillä, freistaa se hukuttaat sinun. Sen kaviot oon kääntynheet väärin päin. Näin se eroittuu tavalisesta hevoisesta.
ADZE | AFRIKKA
Tämä afrikkalainen vampyyri oon tulikärpänen ko se oon vaphaana, mutta se muuttuu ihmiseksi ko sen fangithaan.
Ko se oon tulikärpänen, saattaa se ryömiit avvaimenreijän läpi ja immeet vertä nukkuuvista ihmisistä.
MANTICHORA | AASIA
Mantichora oon olento jolla oon ihmisen pää, jalopeuran kroppi ja skorpioonin häntä. Se nielaissee saalhiin kerrala ja sillä oon kolme hammasrivvii.
BUNYIP | AUSTRALIA
Tämä monsteri hiiviskellee rämmeissä ja jovissa. Sitä oon kuvvailtu hirmuisen isoksi meritähđeksi.
Entäpä kontinentti Antarktikka? Oonko sielä myyttissii monsteriita?
1 / 5
Chupacabra
Kalttiit:
- Årets begivenheter innen historie og vitenskap (2021)
Orage Forlag AS
Kuvat ja videot:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
