Mitä jos maapallola olis 100 ihmistä?

Maapallola ellää nuoin 8 miljarttii ihmistä. Tämä oon miljarti enämen ko kymmenen vuotta aikkaa. Tämmöistä eđistystä ei toivottavvaa. Se tekkee ruvan, veđen ja muitten resursiitten jakamisen vaikkeeksi.

Mutta kuvittele! Millaista olis jos väkiluku olis vain 100 ihmistä?

Stor folkemengde sett ovenfra.
Stor folkemengde sett ovenfra.

Vaimot ja miehet

Vaimoi ja miehii olis yhtä paljon.

Mistä net oltais pois?

61 ihmistä olis Aasista pois.

19 Intiasta,

18 Kiinasta,

15 Aafrikasta,

10 Euroopasta,

9 Etelä-Amerikasta ja Karibiasta,

5 Pohjais-Amerikasta.

Mitä kielii met puhuisimma?

12 ihmistä puhuis mandariini-kiinaa. 5 puhuis spanskaa, engelskaa ja hindii (Intia). 

3 puhuis arabiaa. 2 puhuis portugalii. 2 puhuis ryssää. 2 puhuis japanii. 1 puhuis tyskää.

Loput puhuttais jotaki 6000 muusta kielestä mitä oon olemassa.

Uskonto

Kristittyi ihmissii olis 34, musliimiita 27 ja hindulaissii 16. Joukossa olis kans 7 buddhistii ja 2 ateistii. Loput kuuluttais muihin uskonthoin.

Forrige avsnitt

1 / 4

Neste avsnitt
Halvparten av jordas overflate sett fra verdensrommet.
Halvparten av jordas overflate sett fra verdensrommet.

Kaupungissa vain maala?

Yli puolet asuttais kaupungiissa.

Paljot asuttais pitkin rannikkoo. 60 ihmistä assuu eninthään 100 kilomeetterin päässä rannikolta.

Tervheys- ja asumatilat

Yli puolet asuttais maissa missä liikapaino oon suuri tervheysprobleemi. Alle puolela olis pääsy turvalishiin sikhuushiin.

Yksi kolmesta olis ilman puhthaatta juomaveđettä.

25 ihmistä asuis slummissa, jos niilä ylipäätä olis kottii.

Internetti

Asukkhaista 53 käyttäis internettii. Puolet näistä olis Aasiassa.

7 olis Euroopasta pois ja vähäsen alle 6 olis Aafrikasta.

Työ ja koulutus

10 olis ilman työttä. 36 työtelis maanpruukissa. Industriissa työtelis 21 ihmistä.

33 ihmistä olis kuljetus- tahi kauppaama-alala.

7 ihmistä ei ossais lukkeet tahi kirjoittaat, ja seittemällä olis korkkeempi koulutus.

Forrige avsnitt

1 / 4

Neste avsnitt

Rikkhauđen jakkaintuminen

Kaikkiin rikkhain ihminen omistais 45 prosenttii kaikesta omaisuuđesta, yksin!

Nuoin kymmenen sađasta eläis äärimäisessä köyhyyđessä.

Rikkhaimalla puolela olis omaisuutta vähhiinthään 30 000 kruunuu.

Flere stabler med mynter.
Flere stabler med mynter.

Lähtheet:

  • Tønnessen, Marianne; Solerød, Hans: befolkning i Store norske leksikon på snl.no.
    Hentet 5. januar 2022 fra http://snl.no/befolkning

Foto- ja kuvaoikkeuđet:

    1. Getty Images
    2. Getty Images
    3. Getty Images
    4. Getty Images