Taivas täynä tähtii ja planeettiita
Oletko sie koskhaan kattonu öisele taivhaale ja hunteerannu kunka suuri mailmankaikkeus tođela oon? Teleskoopila sie saatat tarkastella kuuta ja planeettiita likemin, mutta mitä planeettiita ja tähtii sielä ylhäälä oon?
Big bang
Avaruus oon uskomattoman laaja, ja se ei ole täysin selvää kunka avaruus oon syntyny.
Paljot tutkiijat oon tulheet siihen päätöksheen ette avaruus ja meiđän aurinkosysteemi synnythiin voimakkhaan räjättyksen seurauksenna. Tätä käskethään “Big Bangiksi” ja tämä tapattui nuoin 14 miljarttii vuotta aikkaa. Aijan myöten pöllyy ja gassii oon karttunu mistä planeettiita, kuita ja tähtii oon haamustunnu.
Big bang
Maapallon synty
Ensialusta meiđän maapallo oli kiiluuva kuula. Aijan myöten se muuttui kylmemäksi ja sen pinta koventui. Näin maapörä syntyi, ja vesihöyrystä synnythiin meret.
Tähđit ja planeeti
Avaruuđessa oon paljo tähtii, planeettiita, kuita ja muita taivhaankappalheita.
Maa oon planeetti ja aurinko oon tähti. Maa liikkuu auringon ympäri. Met näjemä ette se kierttää aurinkkoo.
Aurinkosysteemi
Usheet planeetit kierttäävä meiđän aurinkkoo. Tätä met sanoma meiđän aurinkosysteemiksi.
Painovoima oon se mikä saapi planeetit kiertämhään aurinkkoo, ja se oon painovoima mikä pittää meiđät maan pinnala niin ette met emmä lennä avaruutheen.
Painovoima oon näkymätön voima mikä vaikuttaa kaikkheen aurinkosysteemissä ja maapallola.
1 / 3
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
