Bioloogisesta näkövinkkelistä erot näkkyyvät niin ette miehet oon fyysisesti väkkeevämmät ja aggressiivisemmat ko vaimot. Siksi se oon ushein luonolista ette mies jolla oon pitkät käđet kanttaa painaaviimat loovat.

Tutkimusten jälkhiin vanhemat miehet suossiivat nuoremppii vaimoi elämänkumppanii valitessa. 

Evolusuuniteoriin jälkhiin miehile oon tärkkeetä levittäät ittensä geenit ja saađa lapsii niin ette ittensä geenit saavat jatkoo. Miehilä oon mahđolista saađa lapsii vielä vanhaanaki ja siksi net saattaavat tuntteet vettoo nuorempii, hetelmällisessä ijässä olleevii vaimoi kohthaan. Näin het saattaavat lisätä mahđolisuuksii saađa tervheitä ja vahvoi lapsii kekkä vievät heiđän geenit etheenkäsin.

Jokku tutkimukset oon kattonheet sitä kunka poikkii ja tyttärii kassuutethaan ja opetethaan käyttämhään ittensä eri laihiin.

Tutkimuksissa oon saatu selvile ette samfynnissä oon erilaissii ođotuksii siitä mihin assiissiin pojat ja tyttäret piđettäis olla interesseeranheet, mistä färiistä het piđettäis tykätä, mitä ammattiita het piđettäis valita ja kunka het piđettäis käyttäät ittensä. Tämä tarkoittaa ette met opetamma lapsile ette vissit assiit oon tyypiliset pojile ja toiset tyypiliset tyttärille.

Juuri tämmöiset lapshiin suunatut ođotukset oon myötä haamustamassa lasten identiteettii. 

Oon tärkkeetä panna merkile ette kaikki pojat ja tyttäret ei vastaa näitä ođotuksii, eikä siinä ole mithään feilii. Met kaikki olema erilaiset ja se oon tärkkeetä kunnioittaat ja hyväksyyt toinen toisen interessiitä, färrii, ammattiita ja käytöstappoi riippumatta siitä mitä samfynni sannoo. Met saatama valita mistä met tykkäämä ja kuka met halluuma olla sukupuolesta riippumatta.

Samfynnin sukupuolirollile ja sukupuolieroile saattaa olla usheita selityksii, mutta vieläki keskustelhaan siitä johtuuvatko rollit bioloogisista vain sosiaalisista syistä.

Mitä mieltä sie olet?